O Santiago Futsal terá que ser irreverente e manter a liña de traballo para o encontro co FC Barcelona

Santiago Futsal ten mañá ante si outra das probas que este maratoniano comezo de Liga no seu día deparoulle. Tras os encontros ante Movistar Inter e El Pozo Murcia, agora visitan o Palau Blaugrana para medirse a outro dos claros aspirantes ao título de Liga e Copa, FC Barcelona Lassa. O encontro, que se disputará mañá ás 21.15h, será emitido en directo pola web de CRTVG.

Os de Santi Valladares chegan a este encontro tras acadar un merecido empate 2-2 ante El Pozo Murcia, encontro no que os de Santiago puideron levar a vitoria por méritos e entrega. Situados na 12ª praza da clasificación con tres puntos, e a tan só catro do 8º clasificado, a escuadra celeste busca a primeira vitoria en liga tras sumar tres empates (Peñíscola RehabMedic, Magna Gurpea e O Pozo Murcia) e dúas derrotas (Movistar Inter e Levante UDDM).

Pola súa banda, FC Barcelona Lassa non coñece a derrota esta tempada e suma pleno de vitorias, o que os sitúa na 2ª posición da táboa con 15 puntos, cun encontro menos que o líder Movistar Inter. Os blaugranas, ademais, conseguiron os seus triunfos en casa con amplos marcadores, superando a Jaén Paraíso Interior por 6-1 e a Jumilla Bodegas Carchelo por 9-1.

Nas noves ocasiones que FC Barcelona Lassa e Santiago Futsal medíronse en Liga en pistas barcelonesas, os locais lograron un total de 7 vitorias e tan só 2 empates, ambos con idéntico resultado 2-2 (06/07 e 13/14). No encontro da tempada pasada, os santiagueses caeron por un avultado marcador de 8-2 nun partido que rompeu a favor dos blaugranas a partires do 4-2.

Para o partido de mañá, Santi Valladares poderá contar con David Palmas, que entra na convocatoria tras estar 8 semanas de baixa debido á lesión no recto anterior da súa perna esquerda. Pablo Tallón e Juanjo Catela serán as baixas do conxunto celeste.