O Santiago Futsal recibirá o venres ao Pozo Murcia

Santiago Futsal enfróntase este fin de semana a outra das probas que estas primeiras xornadas de Liga, caprichosas co conxunto santiagués, deixan no Multiusos. Tras as visitas de Magna Gurpea e Movistar Inter, e sen tempo a recuperarse do encontro en terras valencianas, onde caeu por 3-2 ante o Levante UD DM nun partido moi competido polos de Santiago, este venres recibe a un dos históricos da LNFS, El Pozo Murcia.

Os celestes teñen ante si a oportunidade de sumar a primeira vitoria da tempada, co engadido de ter á afección do seu lado; unha afección que, partido tras partido, amosa o seu apoio ao conxunto celeste e que este venres poderá gozar doutro dos grandes encontros da tempada no Multiusos Fontes  do Sar.

Para o encontro deste venres, todos os abonados do Santiago Futsal accederán de maneira gratuíta, mentres que o prezo para non abonados será de 10€ a entrada de Adultos, 5€ xuvenil (13-17 anos) e 2€ menores de 13 anos.