O PPdeG considera oportuno que Baltar celebre un pleno extraordinario pola denuncia contra el

O voceiro do PPdeG, Miguel Tellado, considerou “axeitado” e “oportuno” que o presidente da Deputación Ourense, Manuel Baltar, accedese finalmente a convocar un pleno extraordinario para dar explicacións sobre a denuncia presentada por unha muller ante a Fiscalía na que relata que o dirixente popular lle pediu sexo a cambio dunha praza fixa na institución provincial.

“A oposición pide explicacións e eu creo que é conveniente que calquera responsable político as de cando son pedidas”, opinou Tellado a preguntas dos medios no marco dunha rolda de prensa.

Manuel Baltar accedeu un pleno extraordinario o próximo martes ás 10,00 horas sobre a denuncia contra el, despois do paro da oposición en bloque na sesión plenaria deste xoves.

Tanto o PSOE como Democracia Ourensana e o BNG abandonaron o salón de plenos ante a negativa do grupo maioritario, o popular, de debater unha moción deste asunto aínda que, posteriormente, Baltar accedeu a convocar a sesión extraordinaria do martes.