O Partido Socialista celebra a volta á normalidade na Deputación de Lugo

A deputada socialista María Quintas celebrou este xoves a “volta á normalidade” que se produciu na Deputación de Lugo tras saír adiante a moción de censura formulada polo PSOE e o BNG para arrebatar ao PP o liderado desta institución.

Preguntada ao respecto en rolda de prensa, a parlamentaria ourensana recordou que na entidade provincial se produciu “unha situación estraña”, despois de que o socialista Manuel Martínez desobedecese o pasado mes de xuño a disciplina de voto e propiciase que a presidencia recaese no PP, e agora volveuse á “normalidade”.

“Lugo apostou por partidos de progreso e agora volve á normalidade”, proclamou María Quintas, antes de resaltar que os socialistas están “moi satisfeitos” coa consumación da moción de censura tres meses despois da constitución do ente.