O GAC Costa da Morte celebrou a primeira xornada para elaboración da EDLP

O Gac Costa da Morte reuniuse cos axentes do territorio para elaborar a Estratexia de Desenvolvemento Local Participativo (EDLP) para o programa de axudas do Fondo Europeo Marítimo e de Pesca 2014-2020.

Realizouse 3 mesas sectoriais nas que asistiron máis de 30 persoas representantes das entidades do sector social e económico, do sector do mar e do sector público do territorio do Gac.

Cada sector analizou a situación do territorio, estableceron as primeiras liñas e obxectivos estratéxicos para a nova programación de axudas e xurdiron novas ideas. Entre outras iniciativas, tratouse a mellora da comercialización dos produtos pesqueiros, reforzamento dos elementos medioambientais e patrimoniais, proxectos de cooperación, captación de capital e novas actividades produtivas de cara a creación de emprego e oportunidades económicas.

O Gac Costa da Morte continuará facendo novas reunións e procesos consultivos cos axentes do territorio interesados na elaboración da estratexia do programa do Fondo Europeo Marítimo e de Pesca 2014-2020.