O Concello de Vilagarcía desenvolve unha actuación especial de acondicionamento do parque de Celso Emilio

O Concello de Vilagarcía puxo en marcha unha actuación especial de acondicionamento do parque de Celso Emilio Ferreiro na que intervirán diversos servizos municipais que traballarán na zona durante semanas. O obxectivo e mellorar a imaxe deste céntrico parque para que os veciños da zona poidan gozar del nas mellores condicións.

O concelleiro de Obras e servizos, Lino Mouriño, explicou que os traballos iniciados a semana pasada implican a actuación dos servizos de Xardíns, Obras, Medio Ambiente e Limpeza. Entre as labores a realizar atópanse a poda de árbores, plantado de algún exemplar máis, labores de mantemento das zonas verdes, arranxo de xogos e dos desperfectos detectados na pista deportiva, acondicionamento e limpeza dos equipamentos urbanos e estéticos (pérgola), pintado de elementos e limpeza a fondo de beirarrúas e superficies de pedra e cemento, mediante a utilización de lavado a presión e posterior cepillado.