Martiño Noriega e Concha Fernández reúnense con Cáritas para tratar os proxectos da entidade en Compostela

Noriega na xuntanza con Cáritas

Foi unha xuntanza inicial entre tres representantes de Cáritas coa concelleira de Políticas Sociais, Concha Fernández, e o alcalde de Santiago, Martiño Noriega, na que se trataron os proxectos que a entidade ten na cidade, como o Centro de Día de Carretas, cuxa licencia está en tramitación.

Ademais Cáritas transmitiulle ao Concello a súa idea de crear empresas de inserción laboral que se encarguen de sacar a persoas da exclusión social. O proxecto que teñen previsto sacar adiante en novembro está vencellado coa roupa e consistirá nunha empresa do sector textil que recollerá os sobrantes das prendas para reutilizalas, mentres que a roupa que non se poida usar se destruirá de forma ecolóxica.

Martiño Noriega valorou moi positivamente esta xuntanza e mostrouse moi interesado por estes proxectos de Cáritas desenvolve na cidade.