Éxito da Xornada informativa para productores locais de Boqueixón
Éxito da Xornada Informativa para os Produtores Locais que se celebrou este martes 6 de outubro na Casa do Concello de Boqueixón. Contouse coa intervención do Subdirector Xeral de Apoio ás Explotacións Agrarias, un enxeñeiro técnico da Oficina Agraria Comarcal de Santiago e o alcalde de Boqueixón.
Aclaráronse as dúbidas sobre o novo Decreto 125/2014, do 4 de setembro, polo que se regula en Galicia a venda directa dos produtos primarios desde as explotacións á persoa consumidora final, faláronse das dificultades que se atopan os produtores na súa labor, formularios e impresos de interese, axilización de trámites, sinalización de explotacións con fins comerciais, etc. Todos estos aspectos enténdense dentro dun Plan de fomento e apoio ó sector agrario, que o concello de Boqueixón está comezando a desenvolver.