Dous grupos do CEIP A Xunqueira 2 farán o roteiro para educación infantil o luns

O luns 19 de outubro farán o roteiro para educación infantil 40 alumnos/as de 5 anos do CEIP A Xunqueira 2. Sairán da praza da Peregrina repartidos en 2 grupos: ás 9.45 e ás 11.45 horas.

O Concello de Pontevedra, a través da Concellaría de Normalización Lingüística, segue a ofrecer este roteiro para dinamizar o uso da lingua entre nenos e nenas de 4 a 7 anos. Con esta excursión pola zona antiga de Pontevedra os máis pequenos farán un percorrido guiado polo centro histórico da cidade empregando o xogo. A actividade busca ligar o uso do noso idioma cos espazos urbanos da cidade e dinamizar os usos orais da lingua galega no ámbito urbano.

Por mor da climatoloxía adversa, ou por outras circunstancias, esta visita podería sufrir modificacións. De ser así, procuraremos mantelos informados.