Derecho a Morir Dignamente pide a despenalización da eutanasia e o suicidio asistido

A Asociación Derecho a Morir Dignamente cree necesario abordar a despenalización da eutanasia e o suicidio asistido, tras coñecerse o caso de Andrea –a nena galega de 12 anos hospitalizada en situación irreversible para a que os seus pais pediron unha morte digna–, un conflito que consideran que “está a provocar un sufrimento engadido a unha situación” por natureza dramática”.

A Asociación recorda que a Lei Básica de Autonomía do Paciente (LAP) de 2002 establece como un principio básico que “o paciente ten dereito a decidir libremente entre as opcións clínicas dispoñibles e a negarse ao tratamento”, no caso dun menor o consentimento debe ser do titor legal; “no caso de Galicia, estes dereitos han sido reforzado por unha lei autonómica de morte digna, aprobada recentemente”, recordan.

Na súa opinión, hai que respectar a pluralidade da sociedade española, que “se manifesta maioritariamente a favor de regular a eutanasia”, e dar un paso máis alá tendo en conta que as leis autonómicas actuais de morte digna “demostraron que son unha ferramenta insuficiente para que se respecten os dereitos e se mellore a calidade de morte dos cidadáns”.

Actualmente, Andalucía, Canarias, Aragón, Navarra, Baleares e Galicia teñen leis autonómicas de morte digna, ademais, proximamente, desenvolverase no País Vasco.

No que respecta ao caso de Andrea, afirman que existe un conflito entre unha familia, que “desexa exercer os seus dereitos”, e o equipo asistencial que “ignora o que establece a lei e impón as súas crenzas persoais aos valores e a vontade do paciente”. “É un atropelo habitual”, agregan.

“Os dereitos dos pacientes non deberían quedar ao albur da interpretación persoal dos profesionais”, destacan dende a asociación, que vai necesario que “unhas novas maiorías no próximo Parlamento Español se decidan a abordar a despenalización da eutanasia e o suicidio asistido”.

“Isto beneficiaría non só a aquelas persoas que desexen dispoñer da súa vida con todas as garantías, senón a todos os cidadáns, que verían como unha realidade os cambios na relación médico-paciente que estableceu en 2002 a Lei de Autonomía do Paciente, engaden.