Beatriz Mato, Karmenu Vella e Isabel Garcia Tejerina visitan as Cíes

Tejerina e Mato nas illas Cíes

A conselleira de Medio Ambiente e Ordenación do Territorio, Beatriz Mato, xunto co comisario europeo de Medio Ambiente e Pesca, Karmenu Vella e a Ministra de Agricultura, Alimentación e Medio Ambiente, Isabel Garcia Tejerina, visitaron hoxe o arquipélago das Illas Cíes. Este arquipélago, que forma parte do Parque Nacional das Illas Atlánticas, dispón de 2.658 hectáreas marítimas e 433 terrestres.

Durante a visita, destacaron a riqueza o valor deste Parque Nacional, de máis de 8.400 hectáreas en total, e achegáronse ata diversos enclaves da zona, como a Praia de Rodas, a Lagoa dos nenos ou o Faro de Cíes, que data de mediados do século XIX.