Adif respecta as actuacións do xuíz Lago Louro

Adif limitouse a destacar que “respecta as actuacións xudiciais” tras pechar o maxistrado Andrés Lago Louro a instrución da causa polo accidente do Alvia, acontecido en xullo de 2013 en Angrois.

“Sempre dixemos o mesmo, que total colaboración coa xustiza e respecto ás súas actuacións”, sinalaron en declaracións fontes da empresa pública.

Concretamente, o xuíz Andrés Lago Louro, que herdou a instrución do caso do accidente de mans de Luis Aláez, pechou os labores preliminares co maquinista como único imputado.

Así, atribúe ao condutor do Alvia aquel día un total de 80 delitos de homicidio por “imprudencia grave profesional” e outros 144 de lesións.