A Xunta realizará cortes de tráfico na estrada Vilamar-Reme para executar obras de reforzo de firme

A Xunta realizará cortes de tráfico na estrada Vilamar- Reme (LU-133) dende hoxe ata o venres por mor da execución de obras de reforzo de firme. Estas actuacións, adxudicadas a Aglomerados y Costrucciones Valdeorras S.A por un importe de máis de 297.000 euros, consisten no estendido de aglomerado no treito comprendido entre os PK 0 e 6+500 desta estrada.

Dende o Goberno galego indícase que estas accións teñen como obxectivo a mellora da seguridade viaria neste tramo, incrementando a calidade de vida dos veciños desta zona.

A estrada obxecto do corte é estreita e non é posible dar paso alternativo ao tráfico ao mesmo tempo que se estende o aglomerado, polo que se establecerá un desvío provisional, que estará debidamente sinalizado.