A Xunta Local aproba o Plan de Seguridade e Saúde para a execución do proxecto de interconexión entre a rúa Rabaza e o núcleo de Os Viros – Souto Sanín

A Xunta de Goberno Local do Concello de Ourense celebrou esta mañá unha sesión extraordinaria e urxente para aprobar dous asuntos de mero trámite administrativo.

Por unha banda, procedeuse ao cambio do responsable do contrato (dirección de obra) e suplente da obra denominada “proxecto para a interconexión do saneamento da rúa Rabaza e do núcleo de Os Viros – Souto Sanín. Este cambio ven motivado por unha baixa laboral na Concellería de Infraestruturas. O novo resonsable do contrato (directora de obra) será a enxeñeira municipal María Dolores Arteche Casas. O suplente da mesma será o arquitecto municipal César Pichel Rodríguez.

O segundo punto que se aprobou nesta sesión da XGL foi a aprobación do Plan de Seguridade e Saúde para a execución do proxecto de interconexión entre a rúa Rabaza e o núcleo de Os Viros – Souto Sanín. Este plan foi presentado pola empresa Construcciones Orega, correspondente á obra de interconeción de saneamento entre a rúa Rabaza e o núcleo de Os Viros – Souto Sanín, asinado polo técnico, Pablo Gómez Dobarrio.

A adxudicación da contratación, polo procedemento negociado sen publicidade, do Proxecto para aInterconexión do saneamento da Rúa Rabaza e núcleo de Os Viros Souto Sanin, foi aprobada en XGL de 1 de outubro de 2015 para a oferta presentada por Construcciones Orega SL polo importe total de 112.023,41 € (92.581,33 € de principal, e 19.442,08 de IVE), por ser a oferta económicamente máis ventaxosa, conforme aos criterios establecidos no prego de condicións e aos criterios de negociación.