A nai dunha compañeira de Asunta di que no tanatorio a coidadora estaba máis inconsolable que Porto

A nai dunha compañeira de ballet de Asunta afirmou no xuízo que a coidadora da nena localizada morta en circunstancias violentas en setembro de 2013 estaba “máis inconsolable” que Rosario Porto no tanatorio, tras o achado do cadáver da menor.

Na sétima sesión do proceso, e tras declarar a empregada doméstica de Porto, visiblemente afectada; unha veciña dos acusados e outra nai dunha compañeira de Asunta, esta testemuña relatou que se levou á menor de fin de semana xusto despois do suceso no que supostamente un home atacou á vítima.

A propia Asunta foi a que narrou o episodio no coche da nai da súa amiga. “E estaba fóra de si”, advertiu, antes de precisar o seu asombro xa que a nena era “moi morna”, tiña “moi bo talante” e “nunca a vira así”.