Uns 50 establecementos daranse cita na Feira Anual de Oportunidades do Comercio de Redondela

A Feira de Oportunidades tense convertido nun evento de referencia para o comercio local. Nesta quinta edición serán cincuenta os establecementos que se darán cita. O crecente número de establecementos participantes e a importante demanda de establecementos de fora do municipio que queren participar no evento eque non poden ser atendidas por falta de espazo pon de manifesto o interese desta cita comercial.  Dende a organización, sen dúbida, preocupa como dar acollida a esta crecente demanda sen minguar  a calidade e espazos para que cada comercio poida presentar os seus produtos, polo que se estudará como ampliar a capacidade e seguir traballando pola consolidación este evento de apoio ao pequeno comercio.

Esta edición volve a celebrarse no último fin de semana de setembro, como xa era habitual, coincidindo sábado 26, en horario continuado de 10:00-22:00h,  e domingo 27 , tamén en horario continuado, de 11:00-21:00h.

Moda, calzado e complementos constitúen case o 50% das actividades que se darán cita nesta feira, pero son moitos os sectores que completarán a ampla e variada oferta comercial: electrónica, informática, telefonía, xoiaría, libros, artesanía, alimentación, fogar, decoración, mobles, viaxes e, como novidade desta edición, beleza. Polo que vale a pena achegar para aproveitar as oportunidades que se presentarán nesta feira.

A Alameda contará con espazos de xogos e actividades e incluso un espazo con gardería que facilitará a clientela poder realizar as compras na mentres os nenos quedan nun espazo acoutado ao coidado de monitores. As zonas de xogo libre son totalmente gratuítas e xunto ao palco de música disporase unha zona (Mini parque de atraccións)con atraccións feirais con vales de desconto que se poderán conseguir en todos os stands da feira.