Un home ferido nun atropelo en Santiago

Un home resultou ferido nun atropelo rexistrado na mañá deste martes en Santiago de Compostela e unha muller noutro accidente ocorrido en Pontevedra. Segundo os datos facilitados polo 112, sobre as 9,00 horas sucedeu un atropelo á altura do número 36 da compostelá rúa do Hórreo.

Ao lugar acudiu unha ambulancia asistencial do 061 que levou ao Hospital Clínico de Santiago a un home duns 70 anos, segundo indicaron fontes sanitarias.

Mentres, sobre as 8,05 horas sucedeu outro accidente na confluencia das rúas Profesor Filgueira e Loureiro Crespo en Pontevedra, no que resultou ferida unha muller duns 80 anos, que foi evacuada nunha ambulancia asistencial ao Hospital Domínguez.