Trasladan a planta ao único ferido no Rally que permanecía na UCI

O único ferido no Rally da Coruña que permanecía ingresado na Unidade de Coidados Intensivos do Complexo Hospitalario Universitario A Coruña (Chuac) foi trasladado a planta, segundo informaron fontes hospitalarias. En total, son catro as persoas que aínda permanecen ingresadas no complexo hospitalario, unha delas un menor que se atopa no Hospital Materno Infantil Teresa Herrera.

Todas elas, segundo precisaron as mesmas fontes, evolucionan favorablemente. Os catro son os únicos da proba automobilística que permanecen ingresados tras o accidente do Rally da Coruña, ao seu paso polo municipio de Carral, no que morreron sete persoas.