Santa Eufemia non sae en procesión a causa do mal tempo

Os devotos de Santa Eufemia na parroquia de Leira non puideron sacar á súa santa en procesión este ano debido ás malas condicións meteorolóxicas. Aínda así moitas e moitos non deixaron pasar a ocasión para escoitar misa na igrexa de Santa María e renderlle culto á súa santa. As orquestras Xacobeo e Armonía Show foron as encargadas de poñer a nota musical a esta xornada. Xa de cara a mañá será a quenda de Fania Blanco Show e Atenas, ademais do grupo de gaitas Embruxo, así como da música de charanga.