publicidade hoxe

Ribadumia abre o prazo para inscribirse no Taller de memoria e Psicomotricidade para a terceira idade

PUBLICADO EN: Noticias de GaliciaRibadumia
A-
A+

O Concello de Ribadumia, a través da Concellería de Servizos Sociais e Terceira Idade,  oferta de novo un Taller gratuíto de Memoria e Psicomotricidade que se desenvolverá a partir de outubro na Casa da Cultura de Ribadumia. O taller xorde co obxectivo de mellorar o rendemento cognitivo e funcional asociado ó envellecemento normal e preservar aquelas capacidades que se van perdendo coa idade, intervindo en aquelas funcións intelectuais e físicas que se ven afectadas. A actividade  desenvolverase os luns e mércores de 10:00 a 11:00 horas e o prazo de inscrición xa está aberto nas oficinas municipais en horario de 08:00 a 15:00 horas. 

Trátase dun programa gratuíto de promoción e prevención de saúde, dirixido a homes e mulleres interesados en coñecer o funcionamento da súa memoria e dispostas a aprender unha serie de técnicas para mellorar destrezas coma a percepción, memoria, atención, concentración, razoamento, flexibilidade etc.

Ximnasia e mantemento para maiore 

Ademais, dentro do programa de actividades dirixidas á terceira idade, o Concello de Ribadumia tamén oferta a actividade gratuíta XIMNASIA E MANTEMENTO, dirixida a xubilados e pensionistas maiores de 60 anos.

A actividade desenvolverase a partir de outubro no ximnasio de Cabanelas os martes e xoves. O horario é de 11:00 a 11:45 horas – primeiro grupo- ou de 11:45 a 12:30 horas –segundo grupo-. 

A inscrición é gratuíta e  o prazo de presentación de solicitudes xa está aberto nas oficinas do Concello de Ribadumia. 

16 de setembro de 2015 | 19:05 • Sen comentarios

Comentarios pechados.