Rescatan da auga en Montalvo a unha persoa con síntomas de afogamento

Unha persoa foi rescatada da auga na praia de Montalvo, en Sanxenxo (Pontevedra), con síntomas de afogamento, segundo afirmou o particular que alertou o 112. O centro de atención ás emerxencias sinala que o suceso se produciu na tarde deste mércores. En concreto, a chamada foi recibida ás 14,40 horas. En consecuencia, foron mobilizados os servizos sanitarios de urxencia, que enviaron unha ambulancia ao lugar.