Refórzase o dispositivo de tráfico arredor dos colexios coruñeses polo inicio do curso escolar

Os servizos municipais reforzarán desde mañá e ata o mes de xuño a vixilancia do tráfico arredor dos centros de ensino da cidade con motivo do inicio do curso escolar. Desde primeira hora e en horario de mañá e de tarde, as patrullas da Policía Local vixiarán a entrada e saída dos colexios para controlar tanto o tránsito de vehículos como o acceso dos e das estudantes, especialmente nos horarios de entrada e saída. O dispositivo inclúe a regulación do tráfico, a colaboración nos pasos peonís, o regulamento da entrada e saída de autobuses e o control da dobre fila e a axilización da circulación na contorna dos centros.

O dispositivo de tráfico verase reforzado co operativo de seguridade, no que os axentes encargaranse de controlar as infraccións susceptibles de xerar conflitos.