Rafael Louzán nega ter recibido agasallos de empresas

O presidente do PP na provincia de Pontevedra e máximo responsable da Federación Galega de Fútbol, Rafael Louzán, negou ter recibido agasallos de empresas durante a súa época á fronte da Deputación, “máis alá do detalle de cortesía”. Así, asegurou ter “a conciencia tranquila”. Nunha entrevista á Radio Galega, preguntado pola información relativa á ‘Operación Patos’ que publica este xoves ‘Faro de Vigo’, Louzán indicou que “non” lle “consta” que se lle agasallase cun reloxo de 2.500 euros.

Ao respecto, sinalou que usa un Montblanc “que é moi normal” e que anda “sempre con el porque é moi doado de poñer e de sacar”. Afirmou descoñecer o seu valor pero agregou que “xa ten bastante tempo” e que “foi comprado” por el. Ademais, nesta liña, indicou que os reloxos non son “unha cousa” que le “guste demasiado”.

“Cando vi esa noticia, andei repasando e a min non me consta (…) A min non me consta nada diso e se non, tería que recoñecer como tal. Non me consta que iso se dese así. Hai persoas que lle gusta algún tipo de obxectos. A min os reloxos non é unha cousa que me saque a preocupación de nada. Xa digo, gústame ser unha persoa moi normal e curiosamente iso sorpréndeme que se diga”, apuntou.

Ademais, a cuestións sobre se non recibiu nunca regalos da empresa Eiriña en relación cunha suposta trama de amaños por contratos públicos, ha aseverado que “nunca” formou parte “de ningunha mesa de contratación”, “sobre todo ademais dende que asumiu “practicamente a presidencia da Deputación”.

“Porque entendía que iso debía ser unha cuestión puramente dos técnicos e a verdade é que estou contento de que iso fose así. Hai un equipo excepcional de traballadores e de técnicos moi competentes, por certo, e polo tanto neste sentido eu nunca formei –parte desas mesas de contratación–, polo menos que eu recorde, e sobre todo cando tiña responsabilidades como presidente”, engadiu.

Acerca de se, con todo, obtivo algún regalo despois da adxudicación de contratos, rexeitouno. “Non, non, non, non. Pero ademais creo que iso hai que dicilo con rotundidade. Nunca máis alá do detalle de cortesía”, dixo.

Cuestionado por algún exemplo, citou “unha botella de viño ou algo así que recibes en Nadal”, pero engadiu que “fose de aí” cree que baixo o seu mandato, e que el “recorde”, non recibiu “absolutamente nada”. “Niso estou absolutamente tranquilo”, apostilou.

Así as cousas, Rafael Louzán apuntou que “neste caso todo o que se deba aclarar se debe aclarar onde é o lugar”. Non obstante, sinalou que “ninguén” lle chamou a declarar pero que está “a disposición do que se pida”. “A xustiza debe facer o seu traballo e por tanto máximo respecto ante iso”, ante esta causa e “todas”, precisou.

FUTUTO POLÍTICO

Sobre o seu futuro político, e tras deixar a Deputación “con absoluta normalidade”, comentou que ten “mandato” na presidencia provincial do PP “ata o ano próximo” e que “polo tanto aí é onde hai que tomar esa decisión”, porque “neste momento… a decisión é que” ten que “estar aí”.

Así, negou estar canso da política e, en concreto, sobre se serán os seus últimos meses en cargos en primeira liña, afirmou que “aínda non” ten “tomada esa decisión” e que “en todo caso agora mesmo o que toca é seguir”. “Mentres estás, estás con todas as consecuencias”, incidiu, antes de subliñar que “sen dúbida” sente o apoio dos líderes do seu partido en Galicia e en todo o Estado, Alberto Núñez Feijóo e Mariano Rajoy, respectivamente.

Por último, Louzán asegurou que “non é unha decisión que agora mesmo teña entre mans” a vontade de ir nas listas para as xerais e avogou por “esperar”, xa que “o PP ten unha forma de traballar” e “hai un comité electoral que toma ese tipo de decisións”. “Aínda é prematuro. No momento oportuno o Partido Popular tomará esa decisión”, expuxo.

VIGO

Noutra orde de cousas, sobre a polémica en torno ao novo hospital de Vigo, falou de “reivindicación política” tras as protestas contra o Álvaro Cunqueiro e, aínda que recoñeceu que “se”puido cometer algún erro” durante o traslado opinou que “son menores” pola “importancia” que ten a posta en marcha do complexo.

En relación coa que foi candidata dos populares en Vigo, a exconselleira de Facenda Elena Muñoz, valorou que “en principio era unha moi boa candidata” aínda que admitiu que “ao mellor se necesitaba máis tempo” e “haberá que intentar mellorar”.