Radio ECCA inicia curso escolar en Lalín con formación para persoas adultas

Radio ECCA inicia un novo curso escolar en Lalín ofrecendo formación para persoas adultas. A preparación de proba libre para a obtención do título de Graduado en Educación Secundaria para Adultos comeza a última semana de setembro. Poden matricularse todas as persoas que o desexen maiores de 18 anos. Para impartir a preparación de proba libre de Graduado en Secundaria Radio ECCA aplica a metodoloxía semipresencial con material didáctico propio e tutorías que se celebran os luns e mércores pola mañá ou pola tarde no local de Radio ECCA situado no antigo edificio da UNED no Polígono Lalín 2000.

A preparación de proba libre para a obtención do título de Graduado en Educación Secundaria para Adultos organízase sobre o convenio establecido entre Radio ECCA e a Consellería de Cultura, Educación e Ordenación Universitaria e o Concello de Lalín.

Outra formación ofrecida por Radio ECCA é o bacharelato en liña e cursos como Manipulador de alimentos, CELGA,  Inglés, Francés ou Alemán.