“Que traballo tan curioso!” represéntase este domingo na Coruña

O Consello Superior de Investigacións Científicas (CSIC) representará o domingo, 6 de setembro, ás 12.30 h., na sede da Coruña do Museo Nacional de Ciencia e Tecnoloxía (MUNCYT), a obra teatral “Que traballo tan curioso!” no marco da programación de actividades VERMUNCYT. A obra, dirixida a público familiar, é unha iniciativa da Unidade de Cultura Científica (UCC) do CSIC en Galicia e contou co asesoramento científico de Marta López Cabo, investigadora do Instituto de Investigacións Mariñas (CSIC). A entrada é libre ata completar aforo.