Ponse en marcha a XXX Copa Galicia

O Rio Natura Monbus Obradoiro estivo representado por dous conselleiros no acto de apertura da XXX Copa Galicia Senior Masculina, que se celebrará en Ourense entre o 18 e o 19 deste mes. Rafa Silva e Óscar Rodríguez foron os portavoces do club nunha tarde con diferentes sorpresas na que o ex xogador Fernando Romay foi nomeado padriño da competición e na que tamén estiveron presentes, Xosé Ramón Lete, Secretario Xeral para ou Deporte, e membros da Deputación e do Concello de Ourense, cidade anfitrioa nesta ocasión.

A Copa enfrontará este ano na primeira fase a Marín Peixegalego co Café Candelas Breogán, o martes 15 de setembro en Marín (20.00 horas) e a Xuven Cambados con Leyma Básquet Coruña, o mesmo dia e no pavillón cambadés de O Pombal.

Os gañadores da eliminatoria enfrontaranse en semifinais o venres ao Rio Natura Monbus Obradoiro (19.00 horas) e ao Club Ourense de Baloncesto (21.00 horas) respectivamente, equipos clasificados directamente para esta penúltima fase.

A final disputarase o sábado ás 20.00 horas.