Os xogadores canteiráns Quique e Isma debutan na LNFS

Os canteiráns do Santiago Futsal, Quique Gómez (Vigo, 1997) e Ismael Vázquez (Vilalba, 1996), xogadores do filial Santiago Futsal B, debutaron na LNFS a pasada xornada na pista do Peñíscola RehabMedic. Despois de realizar a pretemporada co primeiro equipo do Santiago Futsal, os xogadores galegos de 18 e 19 anos, respectivamente, dispuxeron de minutos no encontro que o conxunto celeste disputou o sábado en terras castellonesas.

Co debut destes dous xogadores da canteira celeste, Santiago Futsal segue demostrando a súa filosofía de traballo formativo de base, e formando a xogadores que debutan nas máxima categorías de fútbol sala do noso país defendendo o escudo do Santiago Futsal.