O Santiago Futsal permanece coa vista posta no primeiro partido de Liga

Coa vista posta xa no primeiro encontro de Liga (Sábado ás 18.30h en Peñíscola), os de Santiago comezan unha nova semana de traballo. Tras rematar o sábado o periodo de pretemporada co partido ante Sala Ourense, que rematou coa vitoria dos santiagueses (4-5), o Santiago Futsal acadou un total de 6 vitorias, un empate e unha derrota nos 8 partidos xogados nesta pretemporada.

Os pupilos de Santi Valladares traballarán esta semana no Multiusos até o xoves, día no que se desplazarán a Peñíscola. O venres adestrarán na cidade valenciana e o sábado se medirán ao Peñíscola Rehabmedic na primeira xornada de Liga da Temporada 15/16.