O Pazo da Cultura acolle o VI Congreso de Escritoras-es da Asociación de escritores en lingua galega

O Pazo da Cultura acolle o mañá, o VI Congreso de Escritoras-es da Asociación de Escritores en Lingua Galega (AELG) baixo o título “Para que(n) escribimos o futuro”. O congreso dividirase en seis grupos de traballo que se desenvolverán en tres quendas:

• A oralidade como soporte literario

• O futuro da literatura dramática

• Lusofonía como renovada oportunidade

• Dereitos de autoría e profesionalización

• Novas formas de edición

• Formación de lectores/as

Ademais do encontro pechado dos escritores galegos, unha cita á que están confirmados 55 autores, tamén haberá unha actuación musical aberta ao público por parte de Xardín desordenado. Será ás 20.00 horas tamén no Pazo da Cultura.

Na presentación do Congreso a concelleira de Cultura, Anxos Riveiro lembrou que “o Concello sempre está aberto a acoller actividades como a da Asociación de Escritores en Lingua Galega” así como outras similares como as escolas de escritores que promoveu durante meses pasados a Concellería en colaboración con escritores galegos do prestixo de Ledicia Costas, por exemplo.

Pola súa banda, o presidente da Asociación Cesáreo Sánchez Iglesias destacara que “Pontevedra xa se convertiu na capital da literatura infantil e xuvenil da Galiza”.