O Noia CF proclámase campión da primeira Ames Cup Pre-temporada de benxamíns

Equipo gañador

O campo municipal de Bertamiráns acolleu este sábado, 19 de setembro, o I Torneo de Fútbol Base Ames Cup Pre-temporada en categoría benxamín. O Concello de Ames colaborou co Bertamiráns FC na organización deste evento, que se desenvolveu de 9:00 a 20:30 horas. Un total de 19 equipos disputaron este torneo, que finalmente ganou o Noia CF. O Bertamiráns FC participou neste torneo con tres equipos.

O torneo, que contou cunha gran afluencia de público e deportistas, comezou o sábado pola mañá. Os equipos estiveron divididos en 8 grupos de 3 equipos. Na primeira fase, que se desenvolveu desde as 9:00 ata as 14:30 horas, enfrontáronse nunha liga a unha soa volta. Xa pola tarde, a partir das 15:00 horas, xogouse a segunda fase, na que os primeiros e segundos de cada grupo xogaron a fase final, e os terceiros de cada grupo disputaron a serie de consolación.

A final do torneo disputárona o Noia FC e o Amio SD “1”. Finalmente, o Noia CF proclamouse campión da primeira edición da Ames Cup Pre-temporada na categoría de benxamíns grazas ao bo xogo do mellor xogador do torneo, Rodrigo Fernández, que marcou o empate e deu os pases dos goles da vitoria. O mellor porteiro do torneo recaeu en Daniel Camaras, xogador do Amio SD “1”, mentres que o máximo goleador foi Martín González do Ural CF.

O Bertamiráns FC participou neste torneo con tres equipos. Ademais, participaron os equipos de benxamíns da SD Compostela, Atlético Fátima, EF Boqueixón, Amio SD, EF Silleda, SD Negreira, AD Burgo das Nacións, Ulla CF, CD San Mamede, Victoria CF, La Salle, SP Estrada, CD Calasanz, Noia CF, Ural CF, ED Xuventude Oroso, Pabellón CF e SD Villestro.

Na entrega de trofeos estiveron presentes o alcalde de Ames, José Miñones, a concelleira de Economía e Facenda, Genma Otero, o concelleiro de Urbanismo e Obras, Blas García, a concelleira de Normalización Lingüística e Comunicación, Isabel Vaquero, e o presidente do Bertamiráns FC, Rafael Budiño.