O ‘Explorer of the Seas’ pon o broche de ouro a unha semana grande en tráfico de cruceiros no porto de Vigo

Preto de 3.500 turistas chegarán hoxe a Vigo por mar. Farano a bordo do xigante ‘Explorer of the Seas’, na súa quinta escala prevista no Porto de Vigo ao longo desta tempada. O buque, pertencente á naviera ‘Royal Caribbean’, amarrou na Estación Marítima ás 10.00 horas procedente de Southampton (Gran Bretaña) e a súa marcha está prevista para as 17.00 horas, momento no que porá rumbo a Lisboa (Portugal).

Con 311 metros de eslora por 48 de manga, o ‘Explorer of the Seas’ foi construído nos estaleiros de Kvaerner Masa, Turku, en Finlandia. A súa viaxe inaugural tivo lugar en outubro do ano 2000 e foi amadriñado pola atleta estadounidense Jackie Joyner-Kersee.

Dispón dun total de 15 cubertas e ten capacidade para albergar a un total de 3.835 pasaxeiros e 1.185 tripulantes, ademais de contar con 1.557 camarotes. En canto ás súas opcións de lecer, o ‘Explorer of the Seas’ conta con parede de escalada con vista ao mar, cancha de baloncesto, pista de patinaxe sobre xeo e campo de minigolf, ademais de tres piscinas con solárium, un lugar só para adultos, 6 jacuzzis, ximnasio de última tecnoloxía ou o relaxante VitalitySM Spa, con máis dun centenar de tratamentos a disposición do crucerista. No Royal Promenade, o pasaxeiro poderá gozar con desfiles, bailes e promocións de compras. Así mesmo, o buque, propiedade de Royal Caribbean, destaca polas súas áreas públicas espazosas, camarotes mellorados e restaurantes espectaculares de tres plantas.

Para os amantes da restauración, o ‘Explorer of the Seas’ ofrece diversas  opcións gratuítas que inclúen Windjammer Café, Jade Sushi e fusión culinaria asiática e o Café Promenade para degustar café, pasteis/snacks, ademais do restaurante italiano Portofino, ou a posibilidade de celebrar comidas informais e snacks en Johnny Rockets e a xeadaría Ben & Jerry’s.

Para os máis novos, o buque pon á súa disposición o programa xuvenil Adventure Ocean®, o Royal Babies® e o Royal Tots®, así como diversos salóns e discoteca ou a piscina para nenos Adventure Beach con tobogán. Pola súa banda, os adultos, poderán gozar de espectáculos gratuítos de patinaxe sobre xeo en Studio B, Casino Royale ao estilo Las Vegas de 894 m2 con 287 máquinas comecartos e 16 mesas, 15 bares, clubs e salóns sen comparación que inclúen Champagne Bar, Crown & Kettle Pub e a discoteca The Chamber, ademais dunha gran variedade de tendas de marca e libres de impostos na Royal Promenade que inclúen xoiarías, perfumes, roupa e artigos para mozos e nenos 

Este mesmo ano o Explorer of the Seas completaría a súa renovación e isto traerá máis características innovadoras en alma mar como o simulador de surf FlowRider, un teatro con películas 3-D, todos os novos camarotes incluíndo novos balcóns virtuais e novas experiencias gastronómicas.