O Concello de Curtis denuncia a desfeita de 34 plantas ornamentais en Teixeiro durante as festas da localidade
O Concello de Curtis presentou unha denuncia ante a Garda Civil polas desfeitas realizadas nun total de 34 plantas ornamentais propiedade do concello na contorna do Centro Etnográfico do Río Mandeo.
O acto vandálico ocorreu entre os días 8 e 9 deste mes, coincidindo coas festas patronais da localidade de Teixeiro. Segundo a denuncia presentada, unha persoa ou varias romperon e arrincaron a plantación decorativa no acceso que comunica cale Doutor Martínez Pardo co Centro Etnográfico.
O Concello valorou os danos nas plantas e os traballos de reposición das mesmas en 3.400 euros.