O alcalde de Bueu reunirase con Ethel Vázquez para tratar diversos temas de interese para a vila

O alcalde de Bueu reunirase mañá ás 13.30 horas coa conselleira de Medio Ambiente, Ethel María Vázquez Mourelle en San Caetano. Na dita reunión, Félix Juncal debaterá coa conselleira sobre diversos temas de interese para o municipio como son as melloras na seguridade viaria no tramo PO-315 e PO-551, o informe pendente de Medio Ambiente para a aprobación do PXOM, a dotación de servizos básicos para a Illa de Ons e a problemática das inundacións na zona das Lagoas.