Numerosas intervencións de bombeiros e da Policía Local de Vigo debido ao temporal

Os fortes refachos de vento provocaron na cidade de Vigo caída de árbores e outros elementos, que obrigaron a intervir a Policía Local e bombeiros ao longo da xornada deste martes. Segundo informaron fontes do 092, a caída de árbores e ramas foi a incidencia máis frecuente, e obrigou aos servizos municipais a actuar na Avenida de Martínez Garrido, na A-55 á altura de Segade, en Gran Vía, Eugenio Arbones e Bembrive.

Así mesmo, tiveron que ser asegurados ou retirados outros elementos como postes de luz ou farois en Saiáns ou a Avenida do Aeroporto. Até media tarde, segundo fontes policiais, non se produciron incidentes graves nin inundacións de consideración, a pesar das intensas precipitacións.