Nove campións de Europa visitarán esta tempada Sar

O Rio Natura Monbus Obradoiro recibirá esta tempada na súa casa, o Fontes do Sar, a visita de nove campións de Europa que xogarán na liga Endesa esta campaña. Os internacionais recentemente proclamados como ouro do Eurobasket 2015 en Lille  repártense entre catro equipos da competición.

Os primeiros en pisar serán os cinco xogadores do Real Madrid, que visitará a Caldeira na xornada 12, como previa a Noiteboa no fin de semana do 22 e 23 de decembro. Sergio Rodríguez, Rudy Fernández, Felipe Reyes e Sergio Llull terán que probar o seu ouro ante os obradoiristas.

Tocará logo a Pau Ribas, con outro dos grandes da liga Endesa, o F.C. Barcelona Lassa, no fin de semana do 30 e 31 de xaneiro. 

Outros tres campións de dous equipos diferentes farano de forma consecutiva. Nas xornadas 25 e 26, xogadas no mes de marzo. Serán Fernando San Emeterio e Guillem Vives coa Valencia Basket Club e Pablo Aguilar co Herbalife Gran Canaria, respectivamente. 

Para ver a todas estas estrelas europeas, o Rio Natura Monbus Obradoiro continúa cos seus descontos da campaña de abonados, que van desde un 10% por renovación ou 30% en caso de accionistas con máis títulos dos mínimos, a outro 10% por traer a un novo amigo ou un 5% por ser ese novo amigo.