Multan con 4.500 euros ao ultra do Celta

A Comisión antiviolencia propuxo unha multa de 4.500 euros e a prohibición de acceder a recintos deportivos por un prazo de 12 meses a un ultra do Celta que no Memorial Quinocho contra o Génova, disputado o 14 de agosto pasado en Balaídos, insultou gravemente e agrediu os siareiros visitantes con mobiliario urbano e ladrillos.

Así mesmo, antiviolencia tamén propuxo unha sanción de 4.000 euros e prohibición de acceso aos recintos deportivos por 18 meses a un afeccionado que no Sevilla-Atlético de Madrid da Liga BBVA lanzou varias botellas de cristal contra un grupo de seguidores do equipo visitante nas inmediacións do estadio.

Por outro lado, un seguidor terá que pagar 3.500 euros e outros dous, 3.001 por agredir outros afeccionados no Vicente Calderón no Atlético de Madrid-FC Barcelona do pasado sábado.

Por outro lado, foron declarados de alto risco os encontros da Liga BBVA Deportivo-Sporting en Riazor, e o Algeciras-Balompédica Linense, correspondente ao grupo catro da Segunda División B, que xogan o próximo domingo 20 de setembro.