Máis dun milleiro de persoas chegan ao porto de Vigo a bordo do ‘Braemar’

O Porto de Vigo recibirá ao longo da xornada de hoxe a máis de 1.200 persoas, entre pasaxe e tripulación, que chegarán a bordo do ‘Braemar’. Procedente de Lisboa (Portugal), o ‘Braemar’ chegou á Estación Marítima ás 10.00 horas e está previsto que sobre as 18.30h., aproximadamente, poña rumbo a Dover (Gran Bretaña). Durante a súa estancia na nosa cidade traerá a bordo un total de 856 pasaxeiros (835 británicos) e 392 tripulantes.

O ‘Braemar’ foi adquirido por Fred Olsen e renombrado en dedicatoria ao castelo desta localidade, que foi construído en 1628 por John Erskine (século XVII). O buque, a pesar dos seus anos, foi reformado constantemente e adaptado á actualidade e ofrece unha boa confortabilidade en todo o seu conxunto.

Construído no ano 1993, a súa última remodelación data do ano 2008. Ten 195 metros de eslora e 22,5 de manga. O ‘Braemar’ caracterízase por ofrecer cruceiros exclusivos e a prezos realmente competitivos. Destaca especialmente pola súa accesibilidade e espazo nas súas zonas comúns, a pesar do seu reducido tamaño. 

Pensado para o mercado británico, ten un índice de satisfacción bastante elevado entre os seus clientes polo seu trato máis personalizado e familiar.  Así, a bordo dos barcos de Fred Olsen atopámonos, na súa maioría, a pasaxeiros de nacionalidade británica, cunha media de idade de ao redor dos 60-70 anos en tempada media ou baixa e de 50-60 anos en tempada alta ou semi-alta. Trátase, en definitiva, dunha compañía para navegar relaxadamente.

A bordo, o pasaxeiro atopará unha gran variedade de zonas para practicar a lectura ou os xogos de mesa, unha piscina interior e outra exterior en popa, un gran salón de actos, un pequeno casino… Ademais, os pasaxeiros poden elixir entre 14 categorías distintas de camarotes, 251 son exteriores e 126 son interiores. Pero o máis destacado é, sen ningunha dúbida, a gran cantidade de camarotes individuais para aloxar a unha soa persoa. En total existen 21 deste tipo no barco.

En canto ás súas opcións de entretemento, os amantes da lectura atoparán a bordo una das bibliotecas con máis libros existentes abordo, ademais de diversos espectáculos no salón de actos ‘The Neptune Lounge’ onde se realizan, basicamente, actuacións musicais e humor británico.

Con 19.089 toneladas de rexistro bruto, o ‘Braemar’ continúa coa tradición de Fred Olsen en canto a barcos pequenos con ambiente amigable e relaxada atmosfera a bordo.