Máis de 3.300 persoas visitarán o porto de Vigo a bordo do ‘Costa Luminosa’

Tras a escala inaugural, o pasado sábado, da ‘Costa Favolosa’, o Porto de Vigo recibirá hoxe outra escala máis dun cruceiro pertencente á naviera ‘Costa Cruceiros’, neste caso o ‘Costa Luminosa’, que deixará na cidade a máis de 3.300 persoas, entre pasaxe e tripulación. Procedente de Portland (Gran Bretaña), o ‘Costa Luminosa’ chegou a Vigo ás 07.00 horas, onde permanecerá até as 18.00, aproximadamente, momento no que porá rumbo a Lisboa (Portugal). A bordo, viaxan un total de 2.399 pasaxeiros de máis dunha trintena de nacionalidades distintas -na súa maioría italianos- ademais de 905 tripulantes.

A propia naviera define ao ‘Costa Luminosa’ na súa web como o ‘diamante’ da flota de Costa polo seu deseño sofisticado e innovador. Xunto ao seu barco xemelgo, o ‘Costa Deliziosa’, o ‘Costa ‘Luminosa’ é o membro máis exclusivo e innovador da flota de Costa Cruceiros. 

Dispón de 1.130 camarotes, dos cales 52 teñen acceso directo ao spa, 662 con balcón privado, 106 suites, todas con balcón privado, e outras 4 suites con acceso directo ao spa. Na súa oferta gastronómica pon a disposición do pasaxeiro até 4 restaurantes, entre os que destacan un Restaurante Club e un Restaurante Samsara (de pago e con reserva previa), ademais de 11 bares, entre eles un Cognac & Cigar Bar e un Coffee & Chocolate Bar. 

O benestar tamén ten cabida dentro deste buque da man do Samsara Spa, cos seus 3.500 m2 distribuídos en dous niveis, con ximnasio, termas, piscina de talasoterapia, salas de tratamentos, sauna, baño turco ou solarium de raios UVA, así como 4 jacuzzis e 3 piscinas exteriores, unha delas con cuberta retráctil. 

E para os amantes do deporte, Costa ofrece pista polideportiva, circuíto de jogging e patinaxe ao aire libre, e para os momentos de lecer cine 4D, teatro de tres pisos, casino, discoteca, Grand Bar con pista de baile, simulador de Grand Prix, simulador de Golf e Green ao aire libre, pantalla xigante ao aire libre con cuberta retráctil, punto de Internet, biblioteca, centro comercial ou Squok Club con piscina infantil. Do mesmo xeito, o ‘Costa Luminosa’ dedica un gran espazo á arte figurativa contemporánea, con 288 obras orixinais e 4.733 réplicas a bordo. 

A ‘Costa Luminosa’ entrou en servizo en maio de 2009 e ten 294 metros de eslora e 32 de manga, ademais dunha capacidade máxima para acoller a un total de 2.826 pasaxeiros e 1.050 tripulantes.