Evolucionan favorablemente os catro feridos no Rallie da Coruña

As catro persoas que resultaron feridas no rallie da pasada fin de semana e que seguen ingresadas no Complexo Hospitalario Universitario da Coruña (Chuac) evolucionan favorablemente. Diso informaron fontes hospitalarias, que sinalaron que o único menor que se atopa nestas circunstancias está en planta, tras ser trasladado o martes dende a UCI, e continúa sen cambios no seu estado. En canto ás outras tres persoas, dous delas atópanse en planta, mentres que a terceira permanece na Unidade de Coidados Intensivos.