Enviar a un amigo
Opinar
ImprimirEspectáculos teatrais para a fin de semana en Boiro
Boiro programa para esta fin de semana unha intensa oferta lúdica coa representación de “Historias de vida, amor, guerra e case morte” e do espectáculo de rúa “Cia. Vueltos de Rosca”.
DABOAPIPA “Historias de vida, amor, guerra e case morte”
A Casa da Cultura “Ramón Martínez López” acollerá o venres 25 de setembro, ás 21:00 h, a representación de DABOAPIPA “Historias de vida, amor, guerra e case morte”. Esta obra está destinado a público adulto, preferentemente maiores de 14 anos.
Sinopse:
Historias de vida, amor, guerra e case morte é unha fermosa proposta a medio camiño entre a narración oral e o teatro con música ao vivo.
Ao longo de varias historias recollidas de experiencias reais, Daboapipa cóntanos historias dos nosos maiores que reflicten dun xeito agarimoso e divertido a realidade na que vivían.
Historias de amor, de emigración, de reclusión, guerra e amor contadas dende a tenrura e a emoción nunha proposta que arranca bágoas, lembranzas e sorrisos.
TOTUM REVOLUTOM
Por outra banda, o sábado 26 de setembro, ás 12.00 h., Totum Revolutom Cia. Vueltos de Rosca na rúa peonil Santos Mieites
Qué é Vueltos de Rosca?
Vueltos de Rosca é un proxecto artístico e social que nace, de feito, no ano 2009, pero que veu fraguándose durante os anos de formación, tanto pedagóxica como artística, das persoas que o compoñen.
Concebimos a arte como unha expresión cultural básica e necesaria para a evolución dos colectivos e as comunidades, por esta razón temos o convencemento de que provocar que as persoas participen da arte, non só como espectadores (pasivos) senón como actores (activos), é algo beneficioso para todos e todas.
Sinopse:
Totum Revolutum é unha disparatada viaxe a través das diferentes modalidades do circo: dende o clásico ata o contemporáneo, pasando polos rexistros máis de rúa e participativos.
Todo comeza como un show máis de rúa…
pero uns problemas técnicos obrigarán as nosas personaxes a desenvolverse neutros rexistros, dando lugar a unha mostra única e orixinal de novo circo.
