Augusto foi intervido satisfactoriamente da rotura tendinosa da súa man dereita

O centrocampista do Celta Augusto Fernández foi operado esta tarde de maneira satisfactoria da rotura tendinosa no 2º dedo da súa man dereita. A intervención tivo lugar no Hospital Vithas Nosa Señora de Fátima e foi levada a cabo polos doutores Irisarri, Pombo e García Cota, xefe dos servizos médicos do club. 

O galeno céltico indicou que se realizou a reconstrución do aparello extensor do dedo afectado e o xogador recibirá o alta hospitalaria este mércores.

Comunicado de Gustavo Cabral

Por outra banda, o xogador do Real Club Celta, Gustavo Cabral, nega de maneira tallante que participara en disputa algunha en Bilbao na madrugada do domingo, como apareceu nalgúns medios de comunicación. Gustavo Cabral asegura que as informacións que o involucran nesta disputa son totalmente falsas e reitera que en ningún momento tomou parte en ningunha discusión ou pelexa.

O futbolista lamenta a aparición deste tipo de falsidades que poderían embazar a súa imaxe e a do club e asegura que non lle causarán distracción algunha e que a súa mente e a do resto dos seus compañeiros están postas exclusivamente no importante partido do venres.