As reparacións do parque infantil do colexio de Montemogos comezarán a vindeira semana

Traballos de acondicionamento

Tras o comezo do curso escolar con normalidade nos colexios buenenses e tras as reformas de posta a punto nos mesmos, o Concello informa de que vai seguir co mantemento e melloras nas instalacións de todos os centros. De feito, agárdase que a comezos da próxima semana se comece coa reparación do parque infantil do colexio de Montemogos, en Beluso. Ademais, neste mesmo colexio, e unha vez que se reciba o informe do mestre de educación física, pintarase a pista polideportiva que foi pavimentada a finais do pasado curso e delimitarase para os distintos deportes.

O alcalde salienta que, neste sentido, o Concello seguirá coas melloras e atendendo as necesidades de cada centro na medida do posible.