Aproema organiza unha xornada en Santiago sobre transporte de residuos perigosos

A Asociación Profesional de Empresas Ambientais de Galicia (APROEMA) organizará o próximo 23 de setembro en Santiago de Compostela a Xornada “Transporte de residuos perigosos. ADR. A figura dos Conselleiros de Seguridade.”.
 
O 27 de febreiro de 2014 publicouse no Boletín Oficial do Estado o Real Decreto 97/2014, de 14 de febreiro, polo que se regulan as operacións de transporte de mercadorías perigosas por estrada en territorio español, cos requisitos aplicables ás operacións de transporte de mercadorías perigosas por estrada realizados integramente en territorio español. Establécese que estas operacións deberán cumprir as normas do Acordo europeo sobre transporte internacional de mercadorías perigosas por estrada (ADR), así como ás normas contidas nos acordos internacionais bilaterais ou multilaterais que, conforme ao disposto no ADR, sexan subscritos por España.
 
O encontro terá lugar de 10 a 14 horas na sede da Confederación de Empresarios de Galicia (aforamento limitado, previa inscrición até o 21/09). Para iso, APROEMA conta coa colaboración de profesionais expertos na materia, a Federación Galega de Transportes FEGATRAMER e  a Dirección Xeral de Tráfico.