Aprázase o espectáculo Cocer e Cantar e o obradoiro de monicreques previsto para o sábado

O Concello de Lugo informa de que o espectáculo Cocer e Cantar e o obradoiro de monicreques que estaba previsto para mañá, 5 de setembro, entre as 12.00 e as 14.00 horas, no Museo Interactivo da Historia de Lugo (MIHL) se apraza ao día 26 de setembro, á mesma hora e no mesmo Museo, debido á indispoñibilidade de un dos membros da compañía Viravolta Títeres, encargada das actividades.

O resto da programación (monicreques o día 12, de 12.00 a 14.00 horas, e o obradoiro de pintura e visita guiada pola exposición Omni Tempore, os días 8 e 9, de 17.00 a 18.00 horas) mantense.

Nas actividades, con 120 prazas, poderán participar nenos de máis de 6 anos. Os interesados en anotarse deben chamar ao número de teléfono de atención cidadá, o 010, ou, dende fóra de Lugo, ao 982.29.73.50.