AFAL ofrece información sobre o Alzheimer nos centros hospitalarios

AFAL Ferrolterra informará esta semana á cidadanía sobre o Alzheimer, dará a coñecer os servizos que a entidade presta a enfermos e familiares e, ao mesmo tempo, solicitará a súa colaboración económica para continuar co labor desenvolvido. E, para iso, instalará mañá martes, 15 de setembro, mesas informativas e petitorias no Complexo Hospitalario Universitario Arquitecto Marcide e no Hospital Naval.

En ambos os casos, a iniciativa desenvolverase entre as 10 e as 14 horas. Esta acción enmárcase no programa de actividades deseñado por AFAL Ferrolterra para conmemorar, o próximo 21 de setembro, o Día Mundial do Alzheimer. Neste sentido, AFAL concentra os seus esforzos en visibilizar a enfermidade e conseguir que o Alzhéimer estea na vida cotiá da cidadanía durante todo o mes de setembro a través das actividades previstas, máis aló de limitarse a unha única xornada.