AFAL abre o prazo de inscrición nos Talleres de Memoria para maiores de 65 anos

Dentro da programación formativa de AFAL Ferrolterra, o seu presidente, José Manuel Maceiras, informou de que a entidade abriu o prazo de inscrición nos seus Talleres de Memoria, dirixidos a persoas maiores de 65 anos sas, sen diagnóstico de deterioración cognitiva. Trátase de sesións nas que de forma grupal e individual realízanse actividades de estimulación cognitiva de diferentes funcións como atención, cálculo, percepción, linguaxe e memoria.

Á súa vez preténdese favorecer un envellecemento activo, mediante o asesoramento de hábitos saudables, estratexias de memoria e coñecementos sobre o funcionamento cognitivo durante a vellez. Ademais, posto que se trata dun espazo grupal favorécese a interacción e integración social tan necesaria para manter un adecuado estado emocional e psicolóxico. Retómanse así estes talleres, que comezarán o vindeiro luns 5 de outubro. Celebraranse a partir de entón os luns e xoves de 16,30 a 18 horas na sede de AFAL Ferrolterra (R/ Río Castro, 43-45, baixo Ferrol) e o prezo para os socios de AFAL é de 10 euros ao mes e de 30 para os non socios. As persoas interesadas en anotarse poden facelo na asociación ou chamando ao teléfono 981 37 06 92.