Ábrese o prazo para asistir ás clases de ximnasia de mantemento e para maiores en Ordes

A Concellería de Benestar Social vén de abrir o prazo para apuntarse na actividade de ximnasia de mantemento e para maiores. Os interesados e interesadas deberán presentar ata o venres, 25 de setembro, como data límite, unha fotocopia do DNI, a ficha de inscrición debidamente cuberta e un número de conta bancaria. A idea é impartir as clases en todas as parroquias do municipio, para o que será necesario como mínimo un grupo de dez persoas.