Taller Harauto tamén é laranxa
O directivo do CD Burela FS Pescados Rubén Luis A. Guillén visitou a semana pasada as instalacións do taller Harauto na localidade mariñá para agradecer aos seus propietarios, Héctor Ares e Mª. Carmen González, o compromiso da última tempada co club laranxa. Harauto, situado na avenida da Mariña, número 66, ofrece un servizo multimarca de mecánica, electricidade, electrónica e pneumáticos, especializado en Rober e Mitsubishi, con reparación de turismos, 4×4 e vehículos comerciais.
Avalados por anos de experiencia no sector, Héctor e Mª. Carmen apostan por seguir medrando no mundo da reparación unindo o seu traballo a Talleres Motrio, patrocinador oficial da LNFS. Harauto abre unha nova etapa de prosperidade na que continuará colaborando coa entidade laranxa.