O campamento urbano da Laracha educa en igualdade

O Concello da Laracha continúa desenvolvendo o programa de actividades de verán que inclúe propostas especialmente dirixidas aos nenos como medio de ofrecerlles a eles alternativas para o aproveitamento do seu tempo libre e, aos seus pais, unha axuda para a conciliación da vida persoal, familiar e laboral durante as vacacións do verán.

Hoxe remata a segunda quenda quenda dos campamentos urbanos de educación en igualdade dirixidos a nenos de idades comprendidas entre os tres e os sete anos. Desde o luns estiveron a realizar diversas actividades educativas, deportivas e ludo-recreativas, sempre coa igualdade de oportunidades entre homes e mulleres e os hábitos de vida saudables como marco de fondo, nas instalacións do pavillón do IES Agra de Leborís durante toda a mañá, desde as 9:00 ata as 14:00 horas.

Como proposta educativa e cultural complementaria, na xornada do mércores realizaron unha saída a Santiago de Compostela para visitar o Museo do Pobo Galego. 

Na organización e desenvolvemento deste programa o Concello da Laracha conta coa colaboración da Secretaría Xeral de Igualdade da Consellería de Presidencia, Administracións Públicas e Xustiza