Nono esperta os sorrisos dos veciños de Ordes

Espectáculo de clown

O clown Nono inundou a Alameda de Ordes de gargalladas e diversión grazas a seu espectáculo ofrecido na tarde de onte. Números nos que se combinaron humor, enxeño, deporte, improvisación e personaxes sacados dunha maleta chea de sorpresas, mantiveron sentados nas súas cadeiras ao numeroso público que se congregou na tarde de onte. Deste xeito o Concello de Ordes continúa co seu programa estival ‘Unha viaxe pola cultura’ que no día de hoxe traerá o espectáculo de maxia ‘A chistera máxica’. Será a partir das 20 horas novamente na Alameda de Ordes.